Që nga 15 nëntori, kur fillon sezoni dimëror, ngasësit e automjeteve obligohen që në automjetet e tyre të kenë pajisjet dimërore që parashihet me ligj. Policia e Kosovës njofton se do të shqiptojë gjoba për ata që nuk i përfillin rregullat e trafikut rrugor për pajisje dimërore.
‘Me fillimin e stinës së dimrit, shtohet rrezikshmëria në komunikacion, andaj policia apelon te qytetarët për kujdes më të shtuar, por edhe që automjetet t’i përgatisin me pajisje të nevojshme dimërore. Ligji për rregullat e trafikut rrugor parasheh dënime për shoferët që gjatë dimrit, periudhë që përfshin kohën mes 15 nëntorit dhe 15 marsit, ngasin automjetet e tyre pa pajisje dimërore’, tha zëdhënësi i Policisë së Kosovës, Bajram Krasniqi.
Sipas Udhëzimit Administrativ për Pajisje dimërore, shoferët duhet të kenë pajisjet dimërore për automjetet e udhëtarëve dhe mjetet transportuese, gomat e dimrit si dhe zinxhirët në rrotat tërheqëse.
Diskutime rreth kësaj post