Ministrja e Bujqësisë, Frida Krifca, gjatë raportimit ditën e djeshme në Komisionin e Veprimtarisë Prodhuese, u shpreh se sektori i blegtorisë ndodhet në një moment kritik dhe për këtë arsye, do të ketë disa iniciativa. Përpos mbështetjes buxhetore për këtë sektor, Ministrja tha se do të krijohet një akademi për barinjtë, pasi po braktiset.
Mesa duket Ministria e Bujqësisë, indicien e ka marrë nga Spanja, ku disa muaj më parë u ndërmorën hapa të mëdha për shkollën e barinjve. Madje ndryshe nga Shqipëria, në Spanjë shkolla do të ishte e fokusuar vetëm tek gratë për t’u dhënë profesionin e bareshave, pasi sipas “The Guardian” po zhdukej si profesion.
“Ka shkolla të tjera barinjsh që gratë mund të ndjekin. Por ndryshimi është se ne e kemi menduar këtë nga perspektiva e grave. Kjo është arsyeja pse ne po flasim për ekuilibrin punë-jetë, duke krijuar rrjete të mbështetjes dhe bashkëpunimit të ndërsjellë”, shprehet Susana Pacheco, drejtuesja e projektit, me seli në Rajonin Verior të Cantabria.
Ky kurs sipas “The Guardian” në Spanjë, zgjat 9 muaj dhe përfshin gati 500 orë trajnime në internet dhe një fundjavë në muaj me udhëzime praktike në male. Risia e këtyre kurseve është aplikimi i teknologjisë në profesionin e bariut, të cilët do të pajisen me dron për të vëzhguar kopenë.
Diskutime rreth kësaj post