Kryeministri Edi Rama ka deklaruar se hapja e kufijve në Rinas nuk ka një afat se kur do të ndodh. Për News 24, Rama është shprehur se aktualisht me riatdhesimin e shqiptarëve, nuk kanë hapur kufijt, por thjesht një korridor për njerëzit që janë në hall.
Sipas Ramës, qeveria për t’i ndihmuar edhe më shumë qytetarët ka vendosur të paguajë akomodimin në hotel.
“Unë nuk e di se kur do të jetë. Askush nuk di. Më vjen shumë keq për ata që kanë vështirësi të kësaj natyre. Dua të sqaroj që sot që flasim ne nuk kemi hapur kufijtë, thjesht kemi hapur një korridor riatdhesimi për të ndihmuar njerëz që janë në hall.
Kemi vendosur të paguajmë akomodimin në hotel përderisa kemi mundësi ta bëjmë këtë. Të tjerët janë muhabet mes njerëzve. Këtu nuk është hapur kufiri, por një korridor. Këtu pyesin njerëzit, por në Francë për shembull hyjmë vetëm shtetas francezë. Për sa kohë nuk kemi të dhëna të plota për këtë armik nuk e dimë se çfarë bëhet”, tha Rama.
Diskutime rreth kësaj post