Kreu i PD-së Lulzim Basha ka prezantuar planin e opozitës për rimëkëmbjen e vendit, pas pandemisë së Covid 19. Basha tha se i gjithë plani i tij, që përfshin mbështetje për shëndetësinë, shkollat, qytetarët, bizneset e mëdha dhe të vogla, ka një kosto prej 312 milionë eurosh për 6 muajt e ardhshëm.
Për këtë ai është pyetur nga mediat gjatë konferencës se ku do të gjenden këto para.
“Kjo paketë që ne kemi propozuar ka një kosto prej 312 milionë euro për 6 muajt e ardhshëm, kjo përbën 2.4 % të prodhimit të brendshëm bruto, që e vë Shqipërinë në mestaren e rajonit, na nxjerr nga niveli afrikan që jemi sot.
Vetëm dje kjo qeveri dha 1 milionë euro Klod Mërtirit të bándës së Lushnjes, dhe disa pronarëve të mediave, se kush janë ata mjafton të shihni se kush nuk e dha dje lajmin. Janë 400 milionë euro që i janë dhënë mafies së inceneratorëve, ato para dalin e teprojnë për 6 muaj mbështetje për ekonominë dhe shëndetësinë”, u shpreh Basha.
Diskutime rreth kësaj post