Kryeministri Rama është shprehur qartësisht se Partia Socialiste nuk do të jetë kurrë as streha dhe as mburoja e askujt që me veprimet e veta cënon partinë.
Reagimi i Ramës:
“Duhet ta ngulitni mirë në kokë se ndërhyrjet për të mbajtur në punë individë të paaftë, apo makutër që kanë dorën në xhepin e qytetarëve, ndërhyrje për të sistemuar njerëz që nuk e meritojnë në punë, të përfaqësojnë partinë Socialiste apo për të ndikuar në procese tenderash e vendmimarrjesh me natyrë materiale janë armiqësore me qëllimet dhe dëshirën e atyre që na dhanë besimin për të drejtuar vendin. Janë të neveritshme. Duhet të jetë e qartë për të gjithë këtë familje politike. Kur dikush që e ka në ballë logon e PS-së ekspozohet për abuzime, faji është i tiji, por turpi për mos vendosjen e vijës së kuqe është i joni. Kjo skuadër nuk do të jetë kurrë as streha dhe as mburoja e askujt që me veprimet e veta cënon partinë. Nuk mban përgjegjësi se një individ shkel mbi vlera e parime, por mban përgjegjësi për mënyrën se si reagon”, shprehet Rama.
Diskutime rreth kësaj post