Kryeministri mungon në interpelancën e thirrur sot në Kuvend, zbulohet lëvizja urgjente e Ramës dhe Ahmetajt

Kryeministri Rama dhe ministri i Shtetit për Rindërtimin, Arben Ahmetaj janë nisur paraditen e sotme për në Dubai, të Emirateve të Bashkuara Arabe.

Ndërkohë kujtojmë që sot kryeministri Rama dhe ministrja Manastirliu ishin thirrur për interperlancë në Kuvend. Mirëpo për shkak të axhendës së ngjeshur kryeministri nuk do të jetë sot i pranishëm në interpelancën urgjente që është thirrur në Kuvend.

Rama dhe Ahmetaj pritet të kthehen gjatë orëve të vona të mbrëmjes së sotme në Tiranë.

Arsyeja e vizitës së kreut të qeverisë dhe ministrit të Rindërtimit nuk bëhet ende e ditur, por mendohet se ka lidhje me ndihmën që Emiratet e Bashkuara i dhanë vendit tonë për tërmetin tragjik.

Më herët, kryeministri Rama publikoi në rrjetin sociale Facebook një video për tërmetin e vitit të shkuar duke theksuar se ishin momentet më të vështira për të.