Kryemadhi: Të gjithë së bashku mund ta shporrim Ramën

Opozita mbajti gjatë ditës së sotme një protestë përballë kryeministrisë.

Pas protestës kryetarja e Lëvizjes Socialiste për Integrim, Monika Kryemadhi ka falënderuar çdo shqiptar që ishte i pranishëm në tubim.

Nëpërmjet një postimi në Facebook, ajo dhënë edhe një falënderim për forcat e rendit ku sipas saj “edhe pse të urdhëruar nga shefat trafikantë të drogës nuk ranë pre e provokimeve të tyre por kryen detyrën si profesionistë”.

“Të gjithë së bashku do të mundemi ta shporrim nga qeverisja Edi Ramën dhe klikën e tij të hajdutëve”, shkruan Kryemadhi.

Postimi i plotë i Monika Kryemadhit:

Dua të falenderoj nga thellësia e zemrës çdo shqiptar që ishte sot në protestën e opozitës!

Shpreh mirënjohjen për çdo të moshuar, pensionist, intelektual, punëtor apo student, për çdo njeri që ka humbur shpresën dhe që sot protestoi ndaj narkoshtetit.

Falenderoj dhe ata që udhëtuan nga larg për të qenë sot pjesë e protestës, edhe mijëra të tjerë që na përcollën nga media dhe rrjetet sociale dhe që do të jenë me ne në protestat e ardhshme.

Dua të falenderoj edhe forcat e rendit, që edhe pse të urdhëruar nga shefat trafikantë të drogës nuk ranë pre e provokimeve të tyre por kryen detyrën si profesionistë.

Le të jetë kjo ditë shenja e nisjes së protestës mbarëpopullore kundër qeverisë së krimit dhe drogës! Të gjithë së bashku do të mundemi ta shporrim nga qeverisja Edi Ramën dhe klikën e tij të hajdutëve! Kjo është protesta jonë, forca jonë dhe rruga e vetme për të rifituar dinjitetin!