Kryemadhi akuza Ramës për përdorim kokaine: Ik, të shpëtojë dhe familja prej teje!

Në fjalën e saj nga foltorja e Kuvendit, kryetarja e LSI-së, Monika Kryemadhi i ka kërkuar kryeparlamentarit të ndërpresë seancën dhe të heqë nga rendi i ditës zgjedhjen e kryeprokurorit të ri të përkohshëm.

“Ndërprit seancën për rendin e ditës. Hilacakët më të mëdhenj jeni ju, por kjo punë ka marrë fund, nuk ka për të vazhduar kjo histori, nëse doni një prokuror të mbulojë zullumet tuaja, pisllëqet që keni bërë kjo gjë ka marrë fund, nuk ka as prokuror të përkohshëm, as të përgjithshëm, as shqiptar e as ndërkombëtar të mbulojë pastrimin e parave të drogës që po helmojnë shqiptarët.

Edhe këtij i duket normale përdorimi i kokainës, ik dhe mos u kthe të shpëtojnë shqiptarët, por të shpëtojë edhe familja jote prej teje”- tha Kryemadhi.