Kreshnik Spahiu i ‘çjerr’ maskën Ilir Metës pas shkarkimit nga Kuvendi dhe zbulon veprimin e tij e të Kryemadhit që i ‘fundosi’

Ish-kreu i Aleancës Kuq e Zi, Kreshnik Spahiu ka dalë me një reagim të fortë në rrjetet sociale pas shkarkimit të Presidentit Ilir Meta me 104 votë sot në Kuvend.

Spahiu shkruan se Ilir Meta dhe bashkëshortja e tij, Monika Kryemadhi me djegien e mandateve sot dogjën veten e tyre.

Postimi i plotë:

“30 vjet në krye të shtetit dhe sot s’ka 3 miq ndërkombëtar që ta mbështesin në ditën e shkarkimit.

Nuk kam parasysh miq amerikan apo europian, sepse ata kanë hapur shampanjën sot duke festuar, por komshijntë grek apo vëllezrit kosovar që i priste tek Gjiri Lalzit me dreka, heshtën dhe nuk folën asnjë fjalë…. Imagjinoni, çdo ndodh kur të publikohet lista e zezë shtesë për destabilizuesit e Ballkanit. Nëse gruaja e tij s’do digjte mandatin, sot socialistët s’do kishin 104 vota që ta shkarkonin. KARMA: I dogji, shkrepsja dhe benzina që deshën t’ja i ndiznin të tjerve. Askush, s’largohet nga kjo botë borxhë pa larë dhe hak pa marrë…”, ka shkruar Spahiu.