Duke pasur parasysh numrin në rritje të të infektuarve, Kosova po ashpërson masat ndaj COVID-19 dhe prej 30 korrikut do të vendosë edhe kushte për vendet fqinje.
Një vendim i propozuar nga qeveria thotë se prej 30 korrikut të gjithë qytetarët e Kosovës të cilët vijnë nga Shqipëria, Serbia, Maqedonia e Veriut, Mali i Zi duhet të vetëkarantinohen apo izolohen për 7 ditë në shtëpitë e tyre.
Një masë e veçantë që mund t’i shpëtojë nga kjo është për qytetarët e Kosovës që kanë leje qëndrimi apo leje të përkohshme qëndrimi dhe që dalin nga territori i Kosovës, në rast se nuk kthehen sërish në vend për 48 orë atëherë duhet të kenë test Covid-19 ose do të vetëkarantinohen edhe ata 7 ditë.
Duket se Kosova do të marrë masa pas ditëve të fundit tragjike si për viktimat por edhe për shtimin e rasteve me COVID-19 dhe kjo do të prekë edhe Shqipërinë që këtë gusht pret shumë turistë nga Kosova.
Diskutime rreth kësaj post