Kosova heq tarifën e dezinfektimit për kamionat e Shqipërisë

Kryeministri i Shqipërisë Edi Rama, nëpërmjet një statusi në Twitter bëri më dije se mauneve shqiptare në pikën kufitare me Kosovën u ishte vendosur tarifë për të dezinfektuar kamionët.

Pas statusit të Ramës është marrë vendimi për anulimin e tarifës.

Njoftim:

“Pezullohet kontrata për dezinfektimin e kamionëve që vijnë në Republikën e Kosovës.

Dezinfektimi i kamionëve parashihej në kuadër të masave për luftimin e pandemisë së COVID-19.

Nga ky moment importuesit nuk kanë nevojë t’i dezinfektojnë maunet në pikat kufitare.” shkruhet në njoftim.