Numrat e të prekurve nga Koronavirusi në vendin fqinj Itali janë rritur me 322 të infektuar dhe 11 të vdekur. Numri më i madh i rasteve si në të infektuar edhe në të vdekur është në Lombardi: në Veneto janë 42 të infektuar dhe një vdekje; 23 raste në Emilia Romagna, 3 në Piemonte dhe Lazio, një në Tirolin e Jugut dhe një në Siçili.
Ndërkohë, kryeministri italian, Giusepe Conte, ka pranuar se menaxhimi i epidemisë së koronavirusit nuk ka qenë tërësisht në përputhje me protokollin e një spitali çka edhe mund të ketë kontribuar në përhapjen e virusit në Itali.
Por deri kur do të vazhdojë kjo gjendje?
“Do të jetë një bashkëjetesë e gjatë, ajo mes Italisë dhe koronavirus”, u shpreh mjeku Gianni Rezza për mediat italiane.
Ai shprehet se virusi është jashtë kontrollit, dhe mund të përhapet kudo. Por njerëzit duhet ta kuptojnë se është i ngjashëm me një grip normal. Nuk dëmton shumë, përveç të sëmurëve kronikë dhe grupmoshave të mëdha.
Diskutime rreth kësaj post