Duket se bota po arrin të mposhtë koronavirusin. Kina njoftoi të dielën se të gjithë pacientët me koronavirus në qytetin Wuhan, epiqendra origjinale e shpërthimit të virusit, janë shëruar.
Sipas raporteve të fundit në shtete të ndryshme duket se ka një rënie në numrin e viktimave dhe të infektuarve dhe pse shifrat sërish mbeten të larta në Amerikë, Britani, Francë, Itali, Spanjë.
Ndërsa Italia që është vendi i dytë në botë për numrin e jetëve të humbura në 24 orët e fundit ka raportuar shifrën më të vogël të viktimave që prej 14 marsit. Në orët e fundit në Itali kishin humbur jetën 260 persona, ndërsa kishte regjistruar dhe 2,324 raste pozitive më shumë.
Po ashtu edhe Spanja humbi 288 njerëz më shumë nga koronavirus nga e shtuna deri të dielën, njoftoi ministria e saj e shëndetësisë, por ky numër përfaqëson numrin më të ulët të vdekjeve të vendit në një muaj. Vdekjet në vend tani janë në 23.190, dhe rastet raportohen në 207.634, i dyti në botë pas Sh.B.A.
Në Francë janë shënuar 369 viktima nga Covid-19. Kjo është shifra më e ulët që është shënuar në ditët e fundit.
Ndërkohë deri më tani në të gjithë globin sfidën me koronavirusin e kanë fituar mbi 877 mijë persona.
Diskutime rreth kësaj post