Një alarm u dha në orët e mbrëmjes të së enjtes në Selanik ku një pacient u shtrua në spitalin “AHEPA” me simptoma të ngjashme me Koronavirusin, duke regjistruar edhe rastin e pare të dyshuar në këtë qytet.
Sipas gazetës helene “Protothema”, bëhet fjalë për një shtetas grek, 62 vjeç. Njëzet ditë më parë ai kishte udhëtuar për në qytetin Ohan, në Kinë.
62-vjeçari shkoi në spital me shqetësime ndërsa ka treguar se ka qenë ditë më pare edhe në Kinë.
Menjëherë është dhënë alarmi në spital dhe 62 vjeçari u izolua në karantinë.
Një mostër nga analizat e 62-vjeçarit u dërgua në Institutin Pasteur për të përcaktuar nëse bëhet fjalë për një virus vdekjeprurës apo një rast të thjeshtë gripi, ndërsa rezultatet do të shpallen ditën e premte.
Bëhet me dije se, Spitali AHEPA është një nga spitalet referencë, i caktuar nga Ministria e Shëndetësisë për të trajtuar një rast të mundshëm të koronavirusit në Greqi.
Diskutime rreth kësaj post