Shoqëria Civile organizoi edhe këtë të dielë një protestë te liqeni kundër ndërtimit të parkut të lojërave për fëmijë dhe sërish ka pasur konfrontime me Policinë Bashkiake.
Aktivistët të paralajmëruar përmes rrjeteve sociale u mblodhën në vendin ku do të ndërtohet këndi i lojërave. Protestuesit thyen rrethimin dhe tentuan të vendosin çadra në zonën ku është parashikuar ndërtimi i projektit.
Vendosja e çadrave nuk është lejuar nga policia bashkiake duke e konsideruar të paligjshëm veprimin dhe në tentativën për të hedhur çadrat brenda rrethimit ka ndodhur përplasja fizike mes aktivistëve dhe uniformave blu të cilat kanë ndërtuar tre kordonë sigurie në vendin ku do ndërtohet këndi i lojërave.
Mësohet se si rezultat i konfrontimit fizik një efektiv i Policisë Bashkiake është dërguar në spital. Protestuesit deklaruan se do të zhvendosin protestën e tyre pranë komisariatit nr. 1 në Tiranë, ku sipas tyre ndodhen të shoqëruar disa aktivistë.
Kryetari i Bashkisë së Tiranës, Erion Veliaj vizitoi në efektivin e Policisë Bashkiake që mbeti i lënduar gjatë konfrontimit, ndërsa në një prononcim për mediat ftoi shoqërinë civile të bëhet pjesë e diskutimit dhe ti largohet dhunës.
“Unë vij nga shoqëria civile dhe asnjë prej nesh nuk ka përdorur dhunë për të avancuar kauzën e vet. Ftoj shoqërinë civile të vij në Bashki dhe të bëhet pjesë e negociatave. Përdorimi i dhunës e diskretitoi këtë kauzë”, deklaroi Veliaj.
Ai theksoi se i kemi kërkuar shoqërisë civile të vij dhe të inspektoj punimet. “Si mund të qëndrojë një kauzë që thotë nuk duam të preket as një pemë kur prekin njerëz”, tha Veliaj.
Sipas tij, kjo kauzë që sot me turp dështoi, do të dështojë edhe me 1 qershor, kur do jemi aty për të hapur parkun e fëmijëve. “Aktivist i vërtet është ai që do qytetin”, deklaroi Veliaj, duke shtuar se kauza e një qyteti për një qytet të paqtë ku nuk përdoret dhuna por puna, do të vijojë të ecë përpara.
Diskutime rreth kësaj post