Konflikti Greqi-Turqi për detin, vjen mesazhi i fortë nga SHBA

Ndizet sërish zjarri në Mesdhe. Tensionet sa vijnë edhe shtohen mes Greqisë dhe Turqisë. Një mesazh i fortë vjen nga SHBA. Sekretari amerikan i shtetit Mike Pompeo ka bërë thirrje për një ulje të tensioneve në Mesdheun Lindor.

Kreu i diplomacisë amerikane u kërkoi sot Greqisë dhe Turqisë të “ulin tensionet” në mënyrë që të ndalojnë përshkallëzimin në Mesdheun lindor.

“Ne u bëjmë thirrje të gjithëve të marrin një hap për të ulur tensionet dhe për të filluar bisedime diplomatike mbi konfliktin në Mesdheun lindor,” tha ai një konferencë shtypi.