Komisioni për Shëndetësinë, Vokshi ‘shpërthen’ ashpër: I vetmi sukses i socialistëve, ruajtja e numrit të gomerëve

Deputetja demokrate Albana Vokshi, në fjalën e saj në Komisionin e Shëndetësisë, e ka cilësuar suksesin e vetëm të mazhorancës udhëheqëse ruajtjen e numrit të gomerëve.

Teksa ka kërkuar llogari nga ligjvënësit socialistë në Komision për numrin e ulët në sektorin e blegtorisë, Vokshi tha se ministria e linjës ende nuk ka një census për bujqësinë, ndërsa ngriti alarmin për uljen e numrit të krerëve të bagëtive në vendin tonë.

Vokshi theksoi se nga viti në vit, numri i gjethëve dhe të imtave në vendin tonë, referuar statistikave ka pësuar ulje drastike, ndërsa sipas saj e vetmja kategori që nuk ka pasur ulje është numri i gomerëve, duke ruajtur të njëjtin nivel.

“Keni një census për bujqësinë, se sa është numri i krerëve të bagëtive? Po shfaroset blegtoria, numri i gjethëve referuar statistikave ka rënë. Është përgjysmuar, po shfarosen e zhduken edhe të imtat.

I vetmi sukses, bazuar në të dhënat zyrtare është ruajta e numrit të gomerëve, vetëm atë keni ditur ta ruani. Vetëm aty s’keni rënie.

Numrin e gomerëve e keni mbajtur në të njëjtin nivel, e keni me statistika. Vetëm aty e keni numrin. Vetëm gomerët i keni ruajtur”, tha Vokshi.