Kryeministri Edi Rama poi zhvillon në këto momente një takim me komisionerin e ri europian për Menaxhimin e Krizave, Janez Lenarčič në kuadër të situatës pas tërmetit.
Në një moment gjatë fjalës së tij, Janez Lenarčič ka deklaruar se do ta inkurajonte Ramën që të shikonte fazën e rindërtimit në një pjesë më të gjerë, sepse mund të ndodhin tërmete edhe në të ardhmen.
Pas kësaj deklarate, Rama ka ndërhyrë duke i ndërprerë fjalën komisionerit dhe në formë batute ka pohuar se nuk duhet ta thotë këtë pasi do të mbetet në lajme.
Komisioneri: Do t’ju inkurajoja zoti kryeministër që ta shikoni fazën e rindërtimit në një pjesë më të gjerë, se mund të ketë tërmete edhe në të ardhmen.
Rama: Aman mos e thoni këtë gjë se do të ngelet në lajme. Nuk do të ketë tërmete. Ne nuk do të parandalojmë tërmete por mund të parandalojmë dëmtime më të shumta. Më falni që ju ndërpreva po këtu njerëzit janë të gjithë nën tension, prandaj nuk do doja që të kapej ajo fjali e juaja përsa i përket asaj çfarë përfaqëson BE.
Diskutime rreth kësaj post