Armando Pezakut ishte nën drejtimin e kamionit ku u kapën 613 kilogramë kokainë në Portin e Durrësit. Xhaxhai i tij, tregon se Armando ishte punëtor që paguhej vetëm 25 mijë lekë në muaj.
“Me kë ka fol Armandi, kur e ka marë Armandi?! Ai merr makinën në mëngjes në park, kaq. Të pushkatohet nëse ka parë me sy një gram hashash”, u shpreh xhaxhai i Pezakut.
Ai shpjegoi se i ri është shofer në një kompani private në Tiranë dhe ditën e arrestimit thjeshtë e kanë marrë në telefon për të bërë transportin e kontenierit.
Gjykata e Krimeve të Rënda sapo ka dhënë masën e sigurisë për dy të arrestuarit e dyshuar për trafikimin e 613 kg kokainë në Portin e Durrësit, Donald Lushajn dhe Armando Pezakun.
Maks Haxhiaj, avokati i Donald Lushaj, deklaroi pas vendimit se “Lushaj nuk ka post drejtues në kompani. Ai është vetëm një punonjës që paguhet me 25 mijë lekë në muaj. Po ashtu, nuk ka asnjë përgjim ndaj tij, prokuroria nuk paraqiti asnjë provë kundër tij.”
Diskutime rreth kësaj post