Kreu i Partisë Demokratike, Sali Berisha, ka bërë thirrje të gjithë demokratëve mbrëjen e sotme se në fillim të janarit, duhet të fillojë punë në organizimin e kësaj force politike.
Ai u shpreh se duhet një organizim i fuqishëm i PD që të fitojnë zgjedhjet lokale dhe sipas tij për të rrëzuar regjimin e kryeministrit Edi Rama. Sipas Berishës në janar do të nisë dhe ndarja e punëve në çdo grup-seksion.
“Viti i ri kërkon nga ju që te ketë për kryefjalë organizimin. Duhet të organizohemi në cdo qelizë, kjo është përcaktur sot në betejën elektorale. Ne hyjmë në betejë dhe suksesi do përcaktohet nga organizimi ynë në nivel seksioni, nga lufta që duhet t’i bëjmë fiktivitetit. Tani të zbresim tek seksionet, të bëjm bilancin dhe të shkëputemi nga çdo lloj fiktiviteti.
Ndaj, kandidatët i kemi i kemi zgjedhur në mënyrë demokratike, kundërshtari është i tmerruar nga kandidatët tanë dhe procedura, por kjo nuk mjafton. Duhet organizim, fillohet me ndarje pune për çdo seksion të deleguari. Ndeshjen e fuqishme në këto zgjedhje do e fitojmë, por ne kemi dhe betejën me Ramën. Ne duhet të bëjmë gjithçka për fushatë elektorale model, të fuqishme”, u shpreh Berisha.
Diskutime rreth kësaj post