Presidenti Ilir Meta ka reaguar me tone të ashpra pas kërcënimit të Prokurorit të Përmetit, Asllan Bajramit. Meta bën thirrje që të merren urgjente pasi revanshi i krimit në vend është rritur.
“Kërcënimi për shkak dhe në krye të detyrës i Prokurorit të Përmetit, z.Asllani Bajrami, është një ngjarje tepër e rëndë dhe e dënueshme.
Nevojitet një hetim i shpejtë për vendosjen para ligjit të kujtdo, që guxon të kërcënojë përfaqësuesit e shtetit, për t’i penguar ata të ushtrojnë detyrën të pandikuar.
Revanshi i krimit kërkon masa të menjëhershme efektive, reaguese dhe parandaluese, nga të gjitha institucionet e ngarkuara me ligj për mbrojtjen e rendit dhe të sigurisë publike.”, – shkruan Meta.
Diskutime rreth kësaj post