Këngëtares së njohur shqiptare i dalin bisedat në privat me 2 yjet e futbollit botëror, Neymar dhe Mbappe

Këngëtarja e njohur shqiptare, Beatrix Ramosaj ka raporte tepër të ngrohta me 2 yjet e futbollit botëror, Nejmar dhe Kilian Mbape.

Bukuroshja seksi këtë gjë e ka konfirmuar edhe në emisionin “Shiko Kush Luan”, teksa gjatë një loje, ka zbuluar disa biseda private në “Instagram” me Nejmarin dhe Mbapenë.

“Është siklet. I kam shumë shokë të ngushtë”, tha fillimisht Beatrix, e cila mesa duket u vendos në siklet gjatë kësaj loje, ndërkohë që më pas u bind për të zbuluar mesazhet:

Beatrix: Më mungon gjithashtu dashuri. Me zor pres të të takoj

“Është mënyra se si flet me njerëzit e dashur”, tha këngëtarja kur i thanë se qenka bisedë me zemra.

Ndërsa bisedën e fundit me Mbappe e ka patur kur ka qenë kohë karantine dhe ajo i ka thënë “uroj të jesh mirë”.