Mjeku infeksionit Pëllumb Pipero foli për situatën e krijuar nga koronavirusi në vend. I pyetur për mungesën e transparencës në spitalet Covid ku pacientëve u merret dhe telefoni kur shtrohen, Pipero tha se kjo nuk është e vërtetë.
Pjesë nga intervista:
Endri Xhafo: Ka një mungesë transparence, u merret telefoni personave që shtrohen?
Pëllumb Pipero: U merret të gjithë pacientëve numri i telefonit. Për ata që janë të pandërgjegjshëm. Flas për numrin e telefonit të familjarëve dhe shënohet në kartelë.
Endri Xhafo: Po flas për celularin e pacientëve, ka zëra se në Sanatorium u merret pacientëve celulari.
Pëllumb Pipero: Jo te ne nuk u merret. Nuk u është ndaluar atyre që janë në gjendje të komunikojnë. Nuk e di çfarë ndodh te Sanatoriumi, tek ne nuk u merret celulari. Familjari ka komunikim të vazhdueshëm. Nuk mungon transparenca por duhet të organizojmë më mirë komunikimin. Nuk është shumë komode që të dalë Pipero aty, apo Çomo. Ishte një rastësi dhe besoj që kam bërë shumë mirë.
Diskutime rreth kësaj post