Ka tërmete 8.5 dhe 9.5 që nuk ka konstruksion të rezistojë. Ja kush janë katër vendet që investojnë në parashikimin e tyre

Ish-drejtori i Institutit të Sizmologjisë, Shyqyri Aliaj tha se tërmetet nuk mund të parashikohen si shiu, por megjithatë ka disa vende që investojnë në këtë pjesë.

“Tërmeti nuk mund të parashikohet si shiu, por janë katër shtete në botë që investojnë në këtë pjesë. Japonia, Kina, Rusia dhe Shtetet e Bashkuara të Amerikës. Por problemin më të madh e kanë Kina, Japonia dhe SHBA që janë në dy buzët e zjarrit.

Unaza e zjarrtë e Paqësorit ka tërmete 8.5, 9.5 që nuk ka konstruksion të rezistojë. Dhe në Kaliforni janë të njëjtës shkallë”, tha ai në Ora News.