Kjo javë ka nisur me vranësira dhe fundjava që lamë pas ishte me reshje shiu. Sinoptikani Hakil Osmani tha se në ditët në vazhdim do të kemi një mot të favorshëm.
“Vranësirat do të shoqërojnë territorin shqiptar gjatë mesditës dhe pasdites. E marta dhe në vijim të javës, do të sjellë një përmirësim të kushteve të motit në të gjithë territorin, temperaturat do të jenë të favorshme përgjithësisht në territorin shqiptar. Zonat malore do të jenë me mot të mirë, por herë pas here do të ketë reshje të pakta të vranësirave, por që do të jenë të papërfillshme.”, u shpreh Osmani.
Sipas sinoptikanit vlerat minimale të temperaturave do të jenë 7 gradë celsius në zonat malore, ndërsa në zonat perëndimore vlerat maksimale do të jenë rreth 28 gradë celsius. Fundjava do të vijë me temperatura të larta dhe kushte të mira atmosferike, u shpreh Osmani.
Diskutime rreth kësaj post