Presidenti Ilir Meta ka reaguar në rrjetet sociale pas ndarjes nga jeta të Dhimitër Nasit, kryebashkiakut të parë të Përmetit. Ai humbi jetën nga COVID-19, teksa prej ditë ishte i shtruar te Infektivi.
Teksa i shpreh ngushëllimet familjes së të ndjerit, Meta shkruan se u nda nga jeta një qytetar me cilësi të rralla.
“Dita sot nisi e trishtuar me lajmin e ndarjes nga jeta të Dhimitër Nasit, kryetarit të parë të Bashkisë së Përmetit pas triumfit të demokracisë në Shqipëri!
Ndihem i keqardhur për ndarjen, por dhe i nderuar që e pata nga miqtë më të mirë!
Familja Nasi humbi njeriun e shtrenjtë, Përmeti përcjell kryetarin e devotshëm, shoqëria u nda nga një qytetar me cilësi të rralla dhe Shqipëria ka nga sot një intelektual të përkushtuar më pak në kohën kur ka më shumë nevojë për shembuj si i Dhimitrit!
Ngushëllimet më të ndjera familjes, përmetarëve dhe miqve të tij kudo!
U prehtë në paqen e përjetshme shpirti i tij fisnik!”, shkruan Meta.
Diskutime rreth kësaj post