Presidenti Ilir Meta, ka folur edhe lidhur me zgjedhjet e 25 prillit, të vitit të ardhshëm. Në intervistën “Pa maskë” ai thotë se kryeministri aktual i vendit është në panik andaj bën marrëzira të papranueshme, siç është edhe prishja e marrëveshjes së 5 qershorit, njofton 24-ore.
“Besoj se shqiptarët e kanë marrë vendimin dhe mezi po e presin 25 prillin. Dhe i shikoj të pashpresa, megjithëse shumë të turpshme dhe të neveritshme të gjitha përpjekjet për të krijuar një platformë frikësimi, jo një platformë alternative, një platformë pozitive, një platformë elektorale që krijon besim dhe bazuar në këtë besim kërkon edhe një mbështetje.
Kështu që si president do të bëjë gjithçka që populli shqiptarë të marrë pjesë masivisht në këto zgjedhje dhe jashtë çdo lloj presioni të tregojë dinjitetin e tij dhe t’i bëjë zgjedhjet e duhura. Madje, t’i ndëshkojë ata që do t’i bëjnë presione gjatë gjithë kësaj kohe qoftë përmes largimeve nga puna në rast se nuk bëhen kaq vota, kaq vota, sipas formularëve që ju ndoshta e keni ndjekur që kanë filluar t’i shpërndajnë nëpër institucione, qoftë përmes formave të tjera të presioneve dhe qoftë përmes blerjes së votave që është një femonen që është denoncuar në dosjet që duhej të ishin hetuar prej kohe”, pohon presidenti Meta.
Diskutime rreth kësaj post