Fakti që Lulzim Basha do të garojë për kryetar në PD, pa dhënë më parë dorëheqjen, nuk është pritur mirë nga kritikët e tij.
Ish-kreu i PD-së Kukës, Ibsen Elezi i bën thirrje Bashës që të reflektojë dhe të lërë më shumë ditë në dispozicion të kandidatëve që të flasin dhe përcjellin idetë e tyre.
“Kjo rrymë e ideuar që në ’91, që sot i ka plas cipa, që ta marrin dhe dominojnë PD-në. Janë politika të ideuara që në ’91, që t’u mohojnë demokracinë shqiptarëve, duke i gënjyer vizualisht qytetarët ja ku e keni demokracinë. Njerëz që u ka hyrë frika në palcë nuk mund të prodhojnë demokraci.
Nëse do të ketë një betejë dhe Basha do t’i thërrasë mendjes, që të mos vendosin kufizime të tilla idioteske, vetëm 17 ditë fushatë, është më e rëndësishme që të komunikohet dhe të shpërndahen pikëpamjet, sesa momenti kur hedh votën. Në datën 14 qershor, ose do t’i hapet frymëmarrja, ose do t’i mbyllet frymëmarrja dhe PD-ja do të vdesë”, – tha ai për Vizion Plus.
Diskutime rreth kësaj post