I shpallur ‘non grata’ dhe i përjashtuar nga partia që e themeloi, Sali Berisha nis aksionin, tregon çfarë do të ndodhë nesër në orën 18:00

Ish-kryeministri dhe ish-lideri i PD, Sali Berisha ka nisur aksionin e tij kundër vendimit të Lulzim Bashës, ku ky i fundit e përjashtoi nga partia që e drejtoi për vite me radhë. “Nisim ciklin e “Foltores për një Parti Demokratike më të bashkuar, më të fortë dhe më të hapur”, – shkruan Berisha, teksa njofton se kjo lëvizje do fillojë në Tiranë dhe do vijojë në mbarë vendin.

Postimi i Berishës

“Njoftim!

Të dashur miq, Ditën e enjte me dt 16 shtator ora 18:00 në Hotel Rogner nisim ciklin e “Foltores për një Parti Demokratike më të bashkuar, më të fortë dhe më të hapur”!

Foltorja do të jetë një bashkëbisedim me demokratë dhe demokrate që nis në Tiranë dhe do udhëtoj në mbarë vendin. Jeni të mirëpritur! Rroftë Partia Demokratike.” – shkruan Berisha.