Deputeti Lefter Maliqi është shprehur se masat shtesë anti-Covid që po vendos qeveria bëhen për shkak të fushatës elektorale dhe frikës që ka kryeministri Edi Rama nga humbjet e 25 prillit.
Sipas Maliqit, Rama është braktisur edhe nga të tijët, përveç administratës që ndjek me urdhër nëpër takime.
“Mendoj që vendimi është politik. Pavarësisht se çdo shqiptar, ashtu si çdo qytetar anë e mbanë botës, po përballet me Covid-19 dhe zbaton rregullat e OBSH, unë mendoj se ky është vendim politik pasi si në parlament, si jashtë, rëndësi ka distanca. Çdo gjë funksion normal, secili ka maskën, distance dhe nuk ka ndonjë problem.
Por unë mendoj se jemi në prag, pothuajse ka nisur fushata elektorale dhe Rilindjen, dhe Ramziun e Surrelit e frikësojnë takimet e shumta që po bëhen nga opozita, sidomos nga LSI, ku shumë të rinj po i shikojmë nëpër takime, mbi 200-300 duke ruajtur distancën, me maska etj. Ndërkohë ky si kryeministër, megjithëse ka një eskortë të madhe, po shikohet që po bojkotohet dhe nga të tijët, përveç administrates që shkon me urdhër. I ka ikur entuziasmi, siç e pamë në Vlorë e kudo. Për shkak të estradave, përrallave që tregon për mandate të tretë”, tha deputeti.
Diskutime rreth kësaj post