I dërgoi mesazh në mesnatë Metës, Kristaq Kume zbardh gjithçka dhe del me paralajmërimin e fortë

Kristaq Kume është i mendimit se ndryshimet kushtetuese duhet të bëhen në Këshillin Politik, i cili më 5 qershor arriti marrëveshjen për reformën zgjedhore. Ai shton se edhe në rast se ndryshimet kushtetuese bëhen në kushtet aktuale, pa dakordësinë edhe të opozitës jashtëparlamentare, ato nuk e përmbushin qëllimin.

“Këshilli Politik përfundoi me 5 qershor dhe qëllim kishte të plotësoheshin rekomandimet e OSBE-së. Kjo marrëveshja tani është në parlament dhe duhet të marrë miratimin për t’u votuar. Këshilli Politik tha se puna vazhdon dhe për këtë arsye duhet të konsiderohen edhe ndryshimet kushtetuese. Në kushtet aktuale situata ndryshon nga marrëveshja e 14 janarit dhe ndryshimet në legjislacion unë i konsideroj si një lëvizje që nuk kanë prodhuar atë synohet. Kjo sepse e dimë se çdo të thotë vendimmarrje e njëanshme. Pavarësisht se janë numrat për të bërë ndryshimet, është dakordësuar që një gjë e tillë të mos bëhet,” – tha Kume për Report TV.

I pyetur për diskutimin që kishte patur me Metën lidhur me këtë çështje Kume deklaroi:

“Ajo që fola me Metën, duke iu drejtuar edhe opozitës, është nevoja që këto ndryshime të diskutohen në mbledhjen e këshillit politik. Nëse bien dakord le të bëhet edhe ndryshimet në kushtetutë.. Është shumë e rëndësishme që nëse shkohet deri në fund për ndryshimet kushtetuese pa pjesëmarrjen e të gjithë palëve, një veprim i tillë në rastin më të mirë nuk ka për të rregulluar qëllimin për të cilin bëhet. Pra nuk ka procese më të mira zgjedhore, por në rastin më të keq mund të bëjë që krizat e ndeshura së fundmi të bëhen me intensitet më të madh.

Iu drejtova Metës sepse presidenti, institucioni i tij, është krahas me kushtetutën. Në kushtet kur politika krijon çështje, presidenti i republikës mund të japë kontributin më shumë se kushdo tjetër për të dalë nga ngërçi.”

Më tej Kristaq Kume përsëriti që ndryshimet kushtetuese nëse bëhen duhet të ndodhin vetëm në këshillin politik. Ai i dha të drejtë opozitës për qëndrimin e saj sepse nëse ndodhin në këto kushte ndryshimet kushtetuese nuk përmbushin qëllimin e tyre. Ndërkohë i pyetur se çfarë do të ndodhë në rast ndryshimet kushtetuese kalojnë Kume përgjigjet:

“Është përballja e shoqërisë tonë me krizë. Edhe nëse do jenë ndryshimet e kërkuara. Opozita jashtë parlamentit është e deklaruar se kurrë nuk do të jenë dakord dhe në vlerësimin tim është në të drejtën e saj.” – tha ai.