Kreu i Partisë Demokratike, Lulzim Basha në një intervistë për emisionin “5 pyetje nga Babaramo”, tha se energjia dhe vëmendja e opozitës është tek qytetarët, e bëri thirrja Ramës që të shmangë retorikën dhe gjuhën e ashpër ndaj opozitës.
“Unë nuk do të përfshihem në asnjë debat, dhe i bëj ftesë që të shmangë retorikën dhe gjuhën e ashpër ndaj opozitës dhe të fokusohet te prioriteti i qytetarëve, shëndeti dhe ekonomia.
Ky është prioriteti im, ekspertët tanë janë gati në cdo moment të qytetarëve në fushën e shëndetësisë, ekonomisë, propozimet janë konkrete.
E gjithë energjia dhe vëmendja e opozitës janë në shërbim të njerëzve. Paketa që shpalli presim të miratohet nga Këshilli i Ministrave dhe ta analizojmë.
Ne kemi shqetësime në dy rrafshe, që të mos ketë hendek mes asaj që thuhet dhe bëhet dhe nevoja për të ndërtuar një plan, që jo vetëm të japë shpresë por edhe rrugë për të dalë, strategji për të cilën kyçe është testimi“, tha Basha.
Diskutime rreth kësaj post