Humbi betejën me sëmundjen e rëndë, ndahet nga jeta profesori i njohur i Universitetit të Tiranës

Pedaogu i njohur i Universitetit të Tiranës, te Fakulteti i Shkencave të Natyrës, Prof.Dr, Vehbi Hoti është ndarë nga jeta ditën e sotme.

Lajmin e ka bërë me dije djali i tij përmes një njoftimi në rrjete sociale.

“Me hidherim te madh njoftoj ndarjen nga jeta të babës tone të dashtun Prof. Dr. VEHBI HOTI! Qofsh i xhenetit dhe i përjetshëm ndër kujtime babe i dashtun”, shkruan ai.

Vehbi Hoti ka qenë arsimtar dhe pedagog me një kontribut disadekadësh në arsimin shqiptar.

U diplomua në Fakultetin e Shkencave të Natyrës së Universitetit të Tiranës, në Degën Biologji-Kimi.

Prej më shumë se 35 vitesh është pedagog në Universitetin e Shkodrës, “Luigj Gurakuqi” ku ka dhënë lëndët Psikologji-Pedagogji.

Për punën e kontributin e tij është vlerësuar me tituj si “Mësues i Merituar” dhe “Urdhrin Naim Frashëri të Artë”.