E ftuar në rubrikën “Ka një mesazh për ty” tek “E Diela Shqiptare” ishte Gentiana, e cila kishte ardhur të kërkojë prindërit e saj biologjikë. Gentiana është rritur nga prindër adoptues dhe e mori vesh që ishte e adoptuar gjatë shkollimit tetëvjeçar. Pas humbjes së babait, Gentiana nisi të kërkojë rrënjët e saj duke nisur nga Shtëpia e Fëmijës në Tiranë.
“Ka një mesazh për ty” kishte rënë në gjurmët e nënës së Gentianës, Sanies, e cila kishte patur një histori prekëse. Sania, një vajzë e re nga veriu i Shqipërisë, e martuar dhe me pesë fëmijë, kishte mbetur pa përkrahje kur i vdiq bashkëshorti.
Pas thuajse pesë vitesh nga vdekja e tij, mjekja e fshatit vë re diçka që Sania përpiqej ta fshihte për shkak të mentalitetit, shtatzëni. Mjekja e ndihmoi të shkojë në spitalin e Shkodrës, larg kureshtjes së njerëzve që ta lindte fëmijën e qetë. Ardhja në jetë e Gentianës pasoi me qëndrimin dy mujor në spital, për të cilin u tha se ishte një operacion apandesiti, gjë që fëmija i madh e Sanies e mban mend ende në këtë formë. Prindërit e saj e pranuan sërish në shtëpi, por me kusht që të braktiste Gentianën.
Diskutime rreth kësaj post