Ish-deputetja e Partisë Demokratike Grida Duma, në një deklaratë për mediat nga Thumana akuzoi kryeministrin Edi Rama se ka përdorur për propagandën e tij, historinë e familjes Cakoni në Thumanë që humbi vajzën dhe kryefamiljarin në tërmetin e 26 nëntorit 2019.
Duma me një video-mesazh tregoi të gjithë rastet kur kryeministri ka përdorur Manjola dhe Alesio Cakonin, duke iu premtuar ndihmë dhe shtëpi nga shteti.
“Ato familje që patën humbje jete, vijojnë edhe sot të jenë viktima dhe vuajtëse të asaj tragjedie. Njëra prej tyre është familja Cakoni,të cilët besoj se qytetarët shqiptarë do ta kujtojnë në momentin kur Alesio, që kishte humbur babin dhe motrën 15-vjeçare, jetoi mrekullisht.
Ai nuk mban mend shpëtoi, apo e shpëtuan, e ëma qëndroi në koma gjatë, por shpëtuan.
Alesio në shtratin e spitalit ende në traumën që kishte humbur babin, shtëpinë, motrën dhe nuk dinte mirë nëse e ëma do të jetonte duhet të përballonte furtunën propagandistike.
Rama i shfaqet në shtratin e spitalit, e përdor një fëmijë 11-vjeçar, e përdor për shown e vet, duke i thënë nuk do të lëmë vetëm.
Nëna e Alesios, Manjola shfaqet në media si mjeti i fundit për të përballuar dhimbjen, vështirësitë dhe për t’iu përgjigjur nevojës së vet. Shfaqet dhe i bën thirrje hapur kryeministrit, para të gjithë shqiptarëve që të mbajë premtimin për pension, strehim dhe për të pasur mundësinë të vijojë sado pak jeta normale për fëmijën e saj të traumatizuar. Por tragjedia, braktisja, keqpërdorja, nuk ka limit. Nuk ka asnjë limit se si vijon tragjedia e kësaj familje”, tha ndër të tjera Duma.
VIDEO:
Diskutime rreth kësaj post