Instituti Kombëtar i Shëndetësisë Publike i Kosovës (IKSHPK) ka njoftuar se tri rastet e dyshimta për koronavirus kanë rezultuar negative.
IKSH-ja bëri të ditur se testet kanë rezultuar negative për të tri analizat, domethënë të tre pacientët nuk janë të infektuar me virusin SARS-CoV-2 as me Influencë A dhe B, transmeton “Telegrafi”.
Njoftimi i plotë i Institutit Kombëtar të Shëndetësisë Publike në Kosovë:
Gjatë ditës së sotme, më 25 shkurt 2020, është marrë informatë nga Klinika Infektive e QKUK për tre raste të dyshimta në Koronavirus COVID-19.
Pacientët u kontrolluan nga ekipi i infektologëve në Klinikën Infektive në QKUK dhe iu morën mostrat për testim laboratorik në virusin SARS-CoV-2 dhe Influenza A dhe B.
Ekipi i Laboratorit të Mikrobiologjisë Molekulare në IKSHPK ka bërë testimin në virusin SARS CoV-2 dhe në influencë A dhe B me metodën rRT-PCR të të tre pacientëve.
Testet kanë rezultuar negative për të tri analizat, domethënë të tre pacientët nuk janë të infektuar me virusin SARS-CoV-2 as me Influencë A dhe B.
Diskutime rreth kësaj post