Analisti Frrok Çupi i ftuar sot në emisionin ‘Breaking’ u shpreh se Sali Berisha gjeti dje ditën më të papërshtatshme për të sulmuar Lulzim Bashën. Sipas Çupit këtë nuk e bëjnë as anëtarët e ISIS. Çupi deklaroi se Berisha është një person barbar, që shkel mbi kufomat e tij.
Deklarata e Çupit:
“Po i bëhet një nder shumë i madh Lulzim Bashës, pasi po largohen shumë njerëz pa vlerë, duke shkuar në takimet e Berishës. Gjysma e pjesëmarrësve në foltoren e Berishës janë të njëjtë, shkojnë kudo. Në Kamzë kishte edhe shumë socialistë. Pati edhe pyetje provokuese.
Berisha po përdor të njëjtën kasetë. Mllefi ndaj SHBA, Bashës. Ajo natyra primitive e tij. Për shkak të emocioneve, Berisha ka shkaktuar krime deri në vrasje. Nuk i bëri as ngushëllim Lulzim Bashës, për humbjen e të atit. Xhelali ishte një burrë i urtë. E ka takuar qindra herë Berishën. Shiko sa makabre është.
Në momentin që varrosej i ati i Lulzim Bashës, ky sulmonte kryetarin e PD. Më besoni, këtë nuk e bëjnë as anëtarët e ISIS. Sali Berisha nuk e kontrollon dot veten. Sali Berisha shkel mbi kufomat e tij. Është barbar, emocional. Shpresoj që ta kalojë këtë situatë pa bërë gjëra të papranueshme”, tha Çupi.
Diskutime rreth kësaj post