Analisti Frrok Çupi ka komentuar një sondazh të publikuar nga italianët për sjelljen e presidentit Ilir Meta. Në sondazh u tregua se shqiptarët e konsiderojnë sjelljen e Metës shumë negative.
Çupi u shpreh se Meta ka dalë nga roli i presidentit.
“Ky vlerësim është një katastrofë për presidentin e shtetit. Duhet të kemi parasysh se nëse Meta ka fituar gjithë këtë negativitet ai u ka hyre në lëkurë njerëzve. Të të hyjë në lëkurë një president është tepër. Është rasti i vetëm në botën e përparuar ku presidenti i vendit të hyjë nën lëkurë dhe të bezdisë.
Presidenti në kushtetutën tonë, të Gjermanisë, Austrisë, Qipros që i kemi njësoj është një shëmbëlltyrë, një hije e mbretit. Mbretërit janë shumë të dashur, shumë të lakmuar prej popullit të vet dhe presidenti sot duhet të ishte 98% i dashur nga qytetarët se s’ka asnjë gjë për të bëre vetëm për tu paraqitur si hije mbreti. Presidenti duhet të jetë në anën e mazhorancës se është produkt i kësaj. Mendoni se çfarë konflikti dhe çfarë përplasjeje dhe çfarë lufte ka hapur Meta që ka arritur në këtë pikë”, – tha Çupi në një intervistë.
Diskutime rreth kësaj post