Analisti Frrok Çupi i ftuar sot në emisionin ‘Breaking’ ka komentuar video-përgjimet e kandidatit për deputet të LSI-së në Tiranë, Etjen Jokajt, i cili shfaqet duke blerë votat.
Frrok Çupi shprehet se, “duhet të kemi frikë të gjithë nëse LSI sot nuk përjashtohet nga e drejta për të marrë pjesë në zgjedhje, nuk garantojmë dot se do të kemi zgjedhje”.
“E dyta, problemi i çështjes më të rëndësishme është se kjo vjedhje votash bëhet me paratë e publikut se LSI e Metës ka grumbulluar para të paligjshme të pafund nga paratë publike, janë hajdutët më të mëdhenj që ka Europa janë shpallur si njerëzit më grabitqar të votës . Tani do durojmë ne prapë mbasi e pamë Ilirin duke vjedhur, do durojmë videot e Ilirit duke dhuruar para për të blerë votat, do durojmë prapë videot e Ilirit duke prerë koka njerëzish me sëpatat e me lopatat. Ne do jetojmë në video apo në realitet. Ky është problemi i shtetit, ne duhet të zbatojmë realitetin, këta njerëz duhet të shkojnë me patjetër në vendin e tyre”, – tha Çupi.
Sipas tij, Meta e ka prerë biletën tani është i korruptuar tërësisht, është denoncuar si vrasës me pagesë publikisht.
“Është i dyshuar për vrasje të tjera është i denoncuar nga ish-kryetari i Partisë Demokratike, Sali Berisha, si një njeri që ka fshehur kufoma deri në malin e Dajtit. Shqipëria nëse bie në duart e tyre kësaj here nuk bëhet më!”, – tha analisti i njohur.
Diskutime rreth kësaj post