Flet menaxherja e “Prestige”: Janë të zhgënjyer, turistët po ikin nga resorti, por edhe nga Shqipëria

Menaxherja e përgjithshme e ‘Prestige Resort’ pohoi se turistët shqiptarë dhe të huaj po ikin nga hoteli të zhgënjyer, ku në një rrëfim për gazetarin e News24 Osman Stafa, menaxherja tha se turistët po ikin jo vetëm nga resorti, por edhe nga Shqipëria, ndërsa zor se mund të kthehen vitin tjetër.

“Kemi shumë njerëz këtu. Jemi full. Kur sheh këto gjera, që nisin zhurmat, të gjithë thonë çfarë politike është kjo, që politika sulmon resortin?! Disa po ikin. Jo vetëm nga Resorti, por nga Shqipëria. Kjo është diçka e shëmtuar për turizmin. Ne kemi pasur një sezon të mirë, por vitin tjetër, s’besoj se do të ketë fluks. Kjo për shkak të këtyre që ndodhin. Shqipëria duhet të ndërtojë dhe jo të shkatërrojë. Jam e keqardhur”, tha menaxherja.