Një tjetër politikan shqiptar ka fituar betejën për jetën ndaj COVID-19, Murat Basha i Lëvizjes së Legalitetit. Si pasojë e komplikimit të gjendjes shëndetësore ai u shtrua edhe në spitalin Infektiv.
Basha i ka shprehur mirënjohjen mjekëve për përkujdesin dhe vëmendjen që iu kushtua. Po ndër të tjera, ka zbuluar edhe një detaj, se kryetari i opozitës Lulzim Basha është interesuar personalisht për shëndetin e tij.
Postimi nga Murat Basha:
“E kam detyrim moral por edhe njerëzor,të falenderoj me përulësi dhe emocion, të gjithë personat që u kujdesën për mua,por edhe për të sëmurët e tjerë. Pavarësisht kushteve…
Faleminderit të mirënjohurit prof.Tritan Kalos, dr. Nevilës etj., kryeinfermieres Rita dhe gjithë stafit të infermierëve dhe sanitarëve, që punonin fort, në kushte tejet të vështira, që ndërroheshin me njëri tjetrin,derisa dehidratoheshin dhe gati humbisnin ndjenjat nga vapa…; për Juna Krastën, të palodhururën, të gatshmen për gjithshka,e mrekullueshme dhe gojëmbël.
Falenderoj Lulzim Bashën për interesimin dhe përkujdesjen, prof.Tritan Shehun që u kujdes çdo ditë për mua. Në fund, familjen që i shkaktova aq probleme. Faleminderit Zotit,” – e mbyll mesazhin ai.
Diskutime rreth kësaj post