Kryeministri Edi Rama, mbrëmjen e sotme gjatë takimit me skuadrën e 25 prillit në qytetin bregdetar deklaroi se Porti i Durrësit i ri do të jetë një ndër më të mëdhenjtë në Mesdhe.
Rama e cilësoi investimin si një ndër të rëndësishmit për vendin, që sipas tij do të sjellë më shumë punësime. Kryeministri theksoi se me portin e ri nis një epokë e re për Durrësin.
Deklarata e Ramës:
“Sot dua t’ju flas juve dhe përmes jush të gjithë atyre që janë pjesë e kësaj bashkësie në këtë bashki të rëndësishme të vendit. Duam dhe do të bëjmë për Durrësin në periudhën që kemi përpara. I bindur që Durrësi sot ka mbërritur në një stad ku edhe për shkak edhe të stadit ku ka mbërritur vendi ynë i ka të gjithë mundësitë të ngjitet në një tjetër nivel.
Durrësi të bëhet e ardhmja e çdo fëmije që lind këtu. Kjo nuk është një fjalë e thënë nga dëshira, por nga bindja e bazuar në faktet e gjithë kësaj periudhe që kemi drejtuar vendin, duke hapur dyer dhe duke mundësuar që sot të kemi shumë pranë investime që deri dje as mund të imagjinoheshin se mund të vinin në Shqipëri. investimi që ne presim të fillojmë këtu edhe ndër ata që ndryshojnë faqen e një vendi dhe për shkak të volumit dhe emrit të kompanisë do të sjellë një zinxhirëtë interesimeve të atij niveli për Durrësin dhe Shqipërinë.
Ky investim që do të nisë në zonën ndarëse midis portit dhe pjesës ku fillon plazhi është fillimi i një epoke të re për Durrësin por edhe për Shqipërinë. Porti i Durrësit sot është problem mjedisor për qytetin, zhvillimor, është një prani e të shkuarës që pengon rrugën drejt të ardhmes. Sot është një plan konkret dhe një domosdoshmëri që në shtratin e portit aktual të zhvillohet një nga portet më të mëdhenj të Mesdheut. Do të zhvillohet nga një komani që zotëron disa nga zhvillimet më dramatike të botës, duke filluar nga porti turistik i Dubait. Po e filloj nga kjo se është e ardhmja. Një investim më i madhi i të gjitha kohëve për Shqipërinë, sjell një punësim të lartë dhe një zinxhirë të tërë efektesh ekonomike.” tha Rama.
Diskutime rreth kësaj post