Fetije Kasaj ka ngritur në këmbë të gjithë shqipëtarët për më shumë se një herë me sukseset e arritura e me medaljet e fituara ne shumë kompeticione kombëtare e botërore.
Vet sportistja shprehet se e ka nisur në 1998 në Greqi si sport dhe shprehet se ishte sporti që i ishte përshtatur më shumë. Pengesa e parë për të ishte e ema e cila duke parë karakterin burrëror të këtij sporti nuk ishte dakort por që me kalimin e kohës dhe ajo u mesua.
Në 2004 ajo ka garuar për herë të pare nën flamurin shqipëtare ku pavarësisht moshës së vogël arriti të futej ne 10 më të mirët e europës.
Më pas titulli kampione Europe dhe Bote bëri që ajo të shndërrohej ne idhullin e shumë shqipëtarëvë por që gjithësesi mori fund shpejt në 2007 kur rezultoi pozitive ne testin e dopingut.
“Rezultova me substancë. U tmerrova. U tmerrova sepse nuk e prisja një gjë të tillë. Uroj që asnjë sportiest të mos e kalojë një gjë të tillë. Ishte një nga momentet më të këqija të jetës sime” shprehet ajo.
Ajo ka kërkuar falje publikisht në emisionin Top Story ne Top Channel duke thënë se e pranon që e ka marrë por që e ka bërë pa vetëdije, por që kjo nuk ndihmon që ajo të rikthehet përsëri atje ku ishte pasi dënimi e la përfundimisht jashtë lojërave olimpike.
Por kjo nuk pati vetëm të keqija për Fetien, gjatë kohës që ajo u shkëput nga peshëngritja pati mundësi të krijonte familjen dhe të fillonte dhe një detyrë te re për të cilën ndihet krenare.
Shembulli i Fetijes ishte nje alarm i madh për komisionin antidoping për të paralajmëruar dhe sportistët e tjerë që të kenë kujdes me substancat që marrin.
