Tendencë e pjesëmarrësve nëpër koncerte për t’ju hedhur sende të ndryshme këngëtarëve teksa performojnë në skenë është kthyer së fundmi në fenomen. Fillimisht ndodhi me Bebe Rexhën dhe më pas me Ava Max, Pink, Drake, Kelsea Balerinin dhe Harry Styles.
Së fundmi një incident i tillë ka ndodhur edhe në koncertin e këngëtares së njohur në mbarë botën, Cardi B, e cila shquhet për karakterin e saj impulsiv, spontan dhe të paparashikueshëm.
Në një video, e cila është bërë virale nëpër rrjetet sociale, tregohet momenti kur Cardi B goditet nga një pjesëmarrës në koncert, i cili e lagu këngëtaren me pije teksa ajo qëndronte në skenë.
Sakaq, ka ardhur menjëherë edhe reagimi i saj, i konsideruar epik nga fansat e flaktë të reperes.
Ajo ka goditur me mikrofon personin që i hodhi ujë dhe mimikat e reagimet e saj treguan nervozizmin dhe mërzitjen e saj, teksa u shfaq duke i bërtitur personit që e sulmoi.
Kujtojmë se pak kohë më parë, këngëtarja shqiptare me famë botërore Bebe Rexha, u sulmua në skenë me një telefon.
Diskutime rreth kësaj post