Erë e fortë dhe det deri në 9 ballë, merret vendimi për transportin detar, ja çfarë pritet të ndodhë

Pezullohet trasporti detar mes Shqipërisë dhe Italisë për shkak të motit të keq. Gjendja në Detin Adriatik pritet të përkeqësohet gjatë natës, kjo ka ka bërë që të anullohen tragetet e linjës Durrës-Bari dhe anasjelltas.

Mbremjen e sotme tragetet F/b Bari dhe F/b Rigel do të qëndrojnë të ankoruar në port.

Nga porti italian i Barit bëjnë me dije se, edhe 2 tragetet që do të niseshin mbrëmjen e sotme drejt Durrësit, nuk do të nisen.

Sipas parashikimeve të sinoptikanëve, gjatë natës, forca e detit do të arrijë deri në 8-9 ballë, ndërsa shpejtësia e erës në mbi 70 km/orë.