Presidenti Recep Tayyip Erdogan iu përgjigj pyetjeve të gazetarëve në Stamboll në lidhje me rendin e ditës. Duke vlerësuar vendimin e Francës për të njohur në mënyrë të paligjshme Karabakun, Erdogan tha: “Së pari, grupi i Minskut është një institucion ndërmjetësues (midis Azerbajxhanit dhe Armenisë). Është shumë domethënëse që Franca ka zgjedhur këtë rrugë jodetyruese. Roli i ndërmjetësit të Francës është zhdukur”.
Duke bërë të ditur se Macroni është një telashe për Francën, Presidenti Erdogan tha: “Franca po kalon nëpër një periudhë shumë të rrezikshme. Shpresojë që Franca të shpëtojë nga Macroni sa më shpejtë. Përndryshe Franca nuk do të shpëtojë nga jelekët e verdhë, dhe pas jelekëve të verdhë edhe jelekët e kuq do të shkaktojnë kokëçarje për ta”.
Ndërkaq për çlirimin e territoreve të pushtuara të Azerbajxhanit kreu i shtetit turk tha: “Vëllezërit tanë azerbajxhanas u çliruan vetë dhe u arrit në këtë situatë, ju urojmë fat. Në dhashë Zoti të martën së bashku me bashkëshorten time do të marrim pjesë në ceremonitë që po organizohen atje”.
Erdogan kujtoi edhe reagimin e Presidentit të Azerbajxhanit Ilham Aliyev në lidhje me vendimin e Parlamentit Francez për të njohur Karabakun.
“Ju e dini që vëllai im i dashur Ilham Aliyev i këshilloi francezët. Ai tha ‘Nëse francezët i duan kaq shumë armenët, atëherë le t’ju japin Marsejën’. Edhe unë e bëjë propozimin e njëjtë”, bëri të ditur Erdogan.
Diskutime rreth kësaj post