“Me ketë numër të madh shqiptarësh që kemi ne jashte kufijve ata kthehen në problem të madh në qeverisjen neser”, – shprehet ekperti zgjedhor Kristaq Kume për Top Channel.
Për ekspertët zgjedhorë partitë politike janë të vetëdijshme për peshën e votës së shqiptareve të cilët jetojnë jashtë territorit andaj kërkojnë ta mbajnë nën kontroll.
Kristaq Kume, ekspert zgjedhor, njëherësh ish kryetar i KQZ, thotë: Teorikisht mundësitë që Kuvendi i Shqipërisë të jetë më shumë vullnet i shqiptarëve që jetojnë jashtë territorit të vendit sesa numri i shqiptarëve brenda vendit ekzistojnë, praktikisht është pothuajse në limitet e pamundësisë për tu realizuar.
Kërkesa sfiduese e diasporës për të pasur 10 deputet në Kuvendin e Shqipërisë është e pamundur. Në ligjin e ri zgjedhor është përcaktuar tashmë se vota e shqiptarëve jashtë territorit nuk do të prodhojë mandat të dedikuar, por do të shumohet me votat e zgjedhësve të cilët votojnë në Tiranë.
“Me këtë legjislacion që ne kemi sot është e pamundur për tu realizuar. Do duhet që të shkruhen një gjë e tillë, të miratohej një gjë e tillë. Mundësinë për tu bërë ekzistojnë, zgjidhje të tilla ekzistojnë në legjislacionet e vendeve të tjera, por natyrisht kjo bëhet me dakortësi politike”. – tha Kume.
Parashikimet në kodin e ri elektoral e vështirësojnë shumë votimin e emigrantëve pasi më parë ata duhet të regjistrojnë në regjistrin e gjendjes civile në Shqipëri adresën e vendbanimimit jashtë vendit për të aplikuar më pas për të drejtën e votës. Nëse kjo nuk shoqërohet me një fushatë informuese atëherë sipas ekpertëve numri i zgjedhësve jashtë territorit shqiptar do ishte shumë herë më i vogël se numri real tyre.
Diskutime rreth kësaj post