Elon Musk akuzon Twitterin për mashtrim, i bën kundërpadi: Ka shkelur kontratën dhe numër të lartë të llogarive të rreme

Elon Musk, ka akuzuar Twitter-in për mashtrim në një kundërpadi të bërë, lidhur me marrëveshjen e tij të ndërprerë prej 44 miliardë dollarësh për kompaninë e mediave sociale, për të cilën ai tha se mashtroi ekipin e tij në lidhje me bazën e saj të vërtetë të përdoruesve.

Sipas “The Washington Post”, kundërpadia e paraqitur nga miliarderi dhe CEO i Tesla-s, e paraqitur të enjten, pretendon se Twitter ka kryer mashtrim, shkelje të kontratës dhe shkelje të Aktit të Letrave me Vlerë të Teksasit.

Kundërpretendimet e Musk, u depozituan në mënyrë konfidenciale javën e kaluar dhe u zbuluan në një dosje të enjten vonë në Gjykatën e Kancelarisë së Delaware, raportoi “Wall Street Journal”.

Musk u ofrua të blinte kompaninë në fillim të këtij viti, më pas u përpoq të tërhiqej nga marrëveshja duke pretenduar se platforma sociale ishte e infektuar me një numër shumë më të madh të përdoruesve dhe llogari të rreme.