Elbasan, vritet me armë 19-vjeçari; familja e çon të vdekur në spital

Një 19-vjeçar dyshohet të jetë vrarë me armë zjarri këtë të shtunë në fshatin Guri i Zi të qarkut të Elbasanit.

Burime policore lokale bëjnë të ditur se bëhet fjalë për shtetasin Gazmend Sllami, i cili është çuar në spital nga familjarët e tij në gjendje të vdekur.

Ekzekutimi dyshohet të jetë bërë në një kodër dhe për këtë arsye grupi hetimor ka bërë një mbikëqyrje të vendit.

Burimet shtojnë se, forca të shumta policore po kontrollojnë zonën në përpjekje për të kapur autorin e vrasjes.

Deri tani janë shoqëruar 3 vetë, si persona që mund të kenë dijeni për krimin.