Kryetari i Këshillit Kombëtar të Partisë Demokratike, Edi Paloka e ka hapur me fjalën e tij Kuvendin e PD, të thirrur nga Sali Berisha në “Air Albania”.
Paloka gjatë fjalës së tij, u shpreh se është i lumtur dhe se sot sipas tij, është dita e parë e rithemelimit të PD.
Ai teksa mbante fjalën nuk kurseu edhe akuzat ndaj PD, duke thënë se 4 apo 5 veta nuk mund të mbajnë PD, vetëm që të kenë një karrige në Kuvend.
“Mirëse keni ardhur në Kuvendin e demokratëve të lirë. Prania juaj sot këtu në një ditë si kjo. Edhe zoti ka dashur të shtojë simbolikën e tij, ne jemi demokratët e rrebesheve të tjerët të shkojnë tek shampanja. Kjo ditë do hyjë në historinë e demokratëve dhe të gjithë shqiptarëve. Jo se është mbledhur me dëshirën e delegatëve por as thjesht për numrin e pazakonshëm, por për faktin se pas 31 vitesh ne mblidhemi në përvjetorin e themelimit të PD, për ta ri-themeluar atë mbi idealet dhe parimet me të cilën e ngritëm dhe për ta vendosur në shinat e konservatorizmit.
Unë e kam konsideruar veten me fat që në dhjetor të 90’ u bëra pjesë e lëvizjes studentore, sot të gjithë do kemi të themi ne ishim aty ditën kur u ri-themeluar PD. Ky kuvend për herë të parë mblidhet me kërkesën e delegatëve të tij.
4200 delegatë. Sot numri i delegatëve është shumë më i lartë. Kriza ku gjendemi sot si pasojë e dështimi dhe armik të demokracisë. Ҫdo ditë e më shumë duke e kthyer PD në një opozitë fasadë. Jemi mbledhur sot për të rikthyer shpresën dhe besimin jo vetëm te demokratët por te gjithë shqiptarët që kërkojnë ndryshim. Por është më e gatshme për tu përballur me regjimin.
Pavarësisht rrethanave të gjithë ne drejtuesit mbajmë përgjegjësi, për ndryshim dhe sakrificat e demokratëve që punuan për ta sjellë ndryshimin. U premtuam demokratëve se nuk do ta njihnim 25 prillin, por që do fillonim betejën, por çfarë ndodhi në vend të betejës me Ramën, filluam luftën me njëri-tjetrin.
Basha me një akt personal iu plasi si bombë demokratëve largimin e liderit të saj historik Sali Berisha. Akti u justifikua për “non grata”.
Personazhe te tilla nuk kanë asnjë lidhje me historinë apo idealet e kësaj partie sepse nuk u intereson fati i demokratëve të thjeshtë. Ne nuk mund të pranojmë shkarkimin e PD, se 5 apo 6 vetë kërkojnë të mbajnë një karrige dhe të kapardiset në Kuvend, ku më shumë duket si një sallë mode. Jemi mbledhur këtu që tu kthejmë PD tek fitorja. Prandaj pa e zgjatur më shumë iu uroj të gjithëve përvjetorin e PD”, tha Paloka.
Diskutime rreth kësaj post